Poderoso

Aproveitando as tecnoloxías polas que openSUSE é coñecido, como o sistema de ficheiros Btrfs, a utilidade de liña de ordes snapper , así como o “panel de control” YaST, Tumbleweed permítelle un control total sobre o seu sistema, permitíndolle definir a configuración e o acabado que desexe. Xa non ten que preocupartse de que un sistema interfira co seu fluxo de traballo.

Fiábel

Se ocorre algo non desexado, sempre pode volver a un estado anterior e atopar os seus ficheiros e programas tal e como estaban antes dunha actualización problemática.

Funciona ben co seu equipo

Grazas á súa natureza de vangarda e completamente probada, Tumbleweed serve o seu hardware e dispositivos como poucas outras distribucións de Linux, o que o converte nunha excelente entrega para estacións de traballo, portátiles e similares.

Estábel

As actualizacións son probadas a fondo cos máis altos estándares de calidade do sector, aproveitando un servizo de compilación que outras distribucións de Linux envexan. Non só se proba cada nova versión dun paquete individualmente, senón que tamén se proban diferentes grupos de versións entre si, asegurándose de que o seu sistema sexa coherente internamente.

Á vangarda

Reciba actualizacións frecuentes que non só abordan vulnerabilidades ou corrixen erros, senón que reflicten as últimas características e desenvolvementos, como kernels novos, controladores novos e versións recentes do ambiente de escritorio.

Actualizado continuamente

Instálao unha vez e goza del para sempre. Xa non ten que preocupartse cada seis meses polas actualizacións masivas do sistema que corren o risco de comprometer o seu sistema.

Seguro

Creado a partir das últimas versións do kernel, compilado cos últimos parches de mitigación de Spectre/Meltdown, con devasas e políticas de seguranza fortes activadas de forma predeterminada, a súa seguranza está cuberta de xeito inmediato.

Simple de usar

Cunha soa orde pode actualizar milleiros de paquetes, retroceder á instantánea da semana pasada, avanzar de novo e ata obterunha vista previa das vindeiras versións.

Está en terreo firme

Tumbleweed baséase en décadas de uso, probas e depuración por centos de usuarios avanzados, desenvolvedores, administradores de sistemas e persoas esixentes que non poden permitirse pór en perigo o seu fluxo de traballo. A solidez de Tumbleweed está incorporada en moitos paquetes básicos cuxo ADN deriva do venerábel SUSE Linux Enterprise Server.

Tumbleweed ofrece aos usuarios o software máis recente relacionado cos xogos. Coa compatibilidade con Linux para os xogos que mellora rapidamente, ese é un aspecto importante para unha experiencia fluida, de alto rendemento e sen problemas nos seus xogos favoritos.